You are here

وەزارەتی وەرزش و لاوان، سندوقی نەتەوە یەکگرتووەکان بۆ دانیشتوان و ئەکادیمیای فۆلک بێرنادۆت سەرکردایەتیی گەشەپێدانیی ڕێکخراوەیی بۆ هاوپەیمانیی گەنجان، ئاشتی و ئاسایش ڕێکدەخات

ی تشرینی دووەمی 2021؛ بەغدا، عێراق- ئەکادیمیای فۆلک بێرنادۆت و سندوقی نەتەوە یەکگرتووەکان بۆ دانیشتوان بە هەماهەنگی لەگەڵ وەزارەتی وەرزش و لاوان یەکەمین ڕاهێنانی سەرکردایەتیی گەشەپێدانیی ڕێکخراوەیی بۆ هاوپەیمانی عێراقی بۆ گەنجان، ئاشتی، ئاسایش ئەنجامدا.

لە ماوەی ڕاهێنانێکی پێنج ڕۆژەدا، شارەزایان لە هاوپەیمانی گەنجان، ئاشتی و ئاسایش تێڕوانینیان سەبارەت بە بڕیارنامەی 2250ی ئەنجومەنی ئاسایشی نەتەوە یەکگرتووەکان بۆ 25هەر ئەندامی هاوپەیمانی عێراقی بۆ گەنجان، ئاشتی و ئاسایش پێشکەش کرد. ڕاهێنانەکە سەرنجی خستبووە سەر دابینکردنی تێگەیشتنێکی هاوبەش لەسەر ئەرکە سەرەکی و بەرپرسیارییەکانی هاوپەیمانییەکە لە بەرامبەر حکومەت و کۆمەڵگا و کۆمەڵگەی نێودەوڵەتیدا.

ئەندامانی هاوپەیمانییەکە کە لە کچان و کوڕانی گەنج پێکهاتووە، باسیان لە ئاڕاستەی ستراتیژی هاوپەیمانی و داڕشتنی پلانی کاری هاوپەیمانییەکە کرد بۆ جێبەجێکردنی ئەجێنداکەیان.

لە میانی ڕاهێنانەکەدا، بەڕێز تالیب سوبێ بەڕێوەبەری پرۆژەی عێراق لە ئەکادیمیای فۆلک بێرنادۆت گوتی: "گەنجانی عێراق پێشەنگی ڕێگای ئاشتین و هەوڵی گۆڕینی ئێستا و ئایندەیان دەدەن، هەر بۆیە جێبەجێکردنی بەرنامەی هاوپەیمانیی گانجان، ئاشتی و ئاسایش هەرگیز وەک ئەمڕۆ بۆ کۆمەڵگاکانمان گرنگ نەبووە. ئەکادیمیای فۆلکل بێرنادۆت پابەندە بە پشتیوانیکردن لە جێبەجێکردنی ئەجیندای ئەم هاوپەیمانییە لە عێراق و دەوڵەمەندکردنی ئەو هاوبەشیانەی کە تا ئێستا دامانمەزراندوون و بنیاتنانی هاوبەشیی نوێ لەگەڵ هاوتا عێراقیەکانماندا."

خاتوو جوانا برۆمانا، پێشەنگی پرۆسەی گەنجان و ئاشتی و ئاسایش لە ئەکادیمیای فۆلک بێرنادۆت وتی: "لەوەتەی هاوپەیمانی عێراقی بۆ گەنجان، ئاشتی و ئاسایش لە کانوونی یەکەمی 2020ەوە دەستی بە کارەکانی کردووە، ئەکادیمیای فۆلک بێرنادۆت لە نزیکەوە لەگەڵ وەزارەتی وەرزش و لاوان و سندوقی نەتەوە یەکگرتووەکان بۆ دانیشتوان و گروپێک لە گەنجانی ئاشتی خواز کاریان کردووە بۆ پشتگیریکردنی جێبەجێکردنی بڕیارنامەی 2250 لە عێراق. هیوادارین ئەم هاوپەیمانێتییە ببێتە پلاتفۆرمێک بۆ سەرکردایەتی گەنجان و هاوبەشی و داکۆکی لە بەگەڕخستنی بەرنامەکەیان لە وڵاتدا و لە هەمان کاتدا بەشداری گەنجان لە دڵی ئەو جۆرە هەوڵانەدا بمێنێتەوە."

دکتۆر ڕیتا کۆڵۆمبیا، نوێنەری سندوقی نەتەوە یەکگرتووەکان بۆ دانیشتوان وتی: "سندوقی نەتەوە یەکگرتووەکان بۆ دانیشتوان بەردەوام دەبێت لە پشتیوانی عێراق بۆ جێبەجێکردنی بڕیارنامەی 2250 و دانانی بەرژەوەندی و مافەکانی گەنجان لە ناوەندی ئەولەویەتی نەتەوەیی و بەهێزکردنی بەشداری گەنجان لە ئاشتەوایی لە عێراقدا. ئەمە ئەوپەڕی ئەولەویەتی ئێمەیە بۆ جەخت کردنەوە لە بەشداری ژنان و کچان لە چارەسەری ناکۆکی و هەوڵی نێوەندگیریدا."

سندوقی نەتەوە یەکگرتووەکان بۆ دانیشتوان و ئەکادیمیای فۆلک بێرنادۆت باوەڕیان بەوە هەیە کە هاوپەیمانیی عێراقی بۆ گەنجان، ئاشتی و ئاسایش هەموو گەنجانی عێراق کۆدەکاتەوە بۆ ڕێککەوتن لەسەر تێروانینێک بۆ بەرەوپێشبردنی بیروبۆچوونەکانیان و دروستکردنی بزووتنەوەیەک کە دید و تێڕوانینی گەنجان بۆ کارەکانیان بەگەڕ بخەن و بەرەوپێشی ببەن.

*******

سندوقی نەتەوە یەکگرتووەکان بۆ دانیشتوان، دنیایەک دەهێنێتە ئاراوە کە هەموو دووگیانییەک خوازراو بێت، هەموو منداڵبوونێک پارێزراوبێت، و توانستی هەموو گەنجێک بەرجەستە بکرێت.

بۆ زانیاری زیاتر یاخود هەر داواکارییەکی میدیایی، پەیوەندی بکەن بە سەلوە موسا، بەرپرسی پەیوەندییەکان، smoussa@unfpa.org